تغفي عيون الناس وعيني سهيـره
ويظهر لهيب الشوق في قلبي ألوان
ويتعبني التنهـات وكثـرة زفيـره
واحـس انـا للولـه دوم شفقـان
نفسي من الفرقه ياغناتي كسيـره
ولا يهتني يومي لا صرت ولهـان
أوله على اللي مالي في الناس غّيِره
وان زارني في منامي فزيت فرحان
اهـوَ الهديـه دنيتـي والذخيـره
وهو الفرح عندي لاصرت زعـلان
واللي يحب يانـاس هـذا مصيـره
يسهر طوال الليل والناس هجعـان
الجمعة ديسمبر 14 2007, 04:42